NewsVideos


ប្រទេសអីុរ៉ង់ថ្កោលទោសការប្រកាសរបស់ប្រធានាធិបតី ត្រាំ ពីកម្មវិធីបរមាណូរបស់តេអេរ៉ង់
17-Feb-2017, 7:49 PM
​ពត៌មាន​​​​អន្តរជាតិ​ / ចំនួនទស្សនា: 148


ចង់ស្វែងរកការងារសូមចុចទីនេះ www.pelprek.com
188ASIA.COM ​ កំសាន្តជាមួយកាស៊ីណូអនឡាញលំដាប់ពិភពលោក មានតែមួយគត់នៅកម្ពុជា ​
សារព័ត៌មាន Tasnim បានដកស្រង់ ការប្រកាសរបស់ក្រសួងការបរទេសអីុរ៉ង់កាលពីថ្ងៃទី១៦ ខែកុម្ភៈ បានថ្កោលទោសយ៉ាងខ្លាំងដល់អាមេរិកនិងអីុស្រាអែលដែល ប្រឆាំងនឹងកម្មវិធីបរមាណូរបស់អីុរ៉ង់។

អ្នកនាំពាក្យក្រសួងការបរទេសអីុរ៉ង់លោក Bahram Qasemi បានបញ្ជាក់ថា ការ ប្រកាសរបស់ប្រធានាធិបតីអាមេរិក ដូណាល់ ត្រាំ និងនាយករដ្ឋមន្ត្រីអីុស្រាអែលលោក Benjamin netanyahu ទៅលើកម្មវិធីបរមាណូរបស់អីុរ៉ង់គឺជាការចោទប្រកាន់គ្មាន តម្លៃជាដដែលៗ។ លោក Bahram Qasemi បញ្ជាក់ទៀតថា ការចោទប្រកាន់ ប្រឆាំងអីុរ៉ង់ផ្ទុយពីរបាយការណ៍របស់អង្គការថាមពលបរមាណូអន្តរជាតិ IAEA ដែលបានបញ្ជាក់ពីកម្មវិធីបរមាណូដោយសន្តិភាពរបស់អីុរ៉ង់។នៅក្នុងព្រឹត្តិការណ៍មួយផ្សេងទៀត ដែលពាក់ព័ន្ធនោះដែរ រដ្ឋមន្ត្រីការបរទេស អាមេរិកលោក Rex Tillerson កាលពីថ្ងៃទី ១៦ ខែកុម្ភៈ បាននិយាយទៅកាន់រដ្ឋមន្ត្រីការបរទេសបារាំងលោក Jean Marc Ayrault ថា ទីក្រុងវ៉ាស៊ីនតោនមានគម្រោង លុបចោលកិច្ចព្រមព្រៀងបរមាណូជាមួយអីុរ៉ង់។

កន្លងមកបណ្តាញទូរទស្សណ៍ Press បានផ្សាយថា អីុរ៉ង់នឹងធ្វើសកម្មភាពឲ្យ សមស្រប ប្រសិនបើប្រធានាធិបតីអាមេរិក ដូណាល់ ត្រាំ សម្រេចលុបចោលកិច្ចព្រមព្រៀងបរមាណូជាមួយអីុរ៉ង់កាលពីឆ្នាំ ២០១៥ ដែលបានព្រមព្រៀងរវាងអីុរ៉ង់នឹងប្រទេស៥បូក១។អគ្គនាយកអង្គការថាមពលបរមាណូ អីុរ៉ង់លោក Ali Akbar Salehi បានបញ្ជាក់ ថា អំពីបច្ចេកទេសយើងអាចនិយាយបាន ថា យើងនឹងតបតវិញរាល់សកម្មភាពបំផ្លាញ កិច្ចព្រមព្រៀងណាមួយ។ លោកបន្តទៀត ថា អីុរ៉ង់មិនចង់ឲ្យកើតមាននូវការបំផ្លាញ កិច្ចព្រមព្រៀងនោះឡើយ ប៉ុន្តែអីុរ៉ង់បានត្រៀមលក្ខណៈសម្រាប់ថ្ងៃនោះរួចរាល់។

លោក ដូណាល់ ត្រាំ បានថ្កោលទោសកម្មវិធីបរមាណូអីុរ៉ង់តាំងពីពេលលោកឃោសនាបោះឆ្នោតមកម៉្លេះ ដោយលោកចាត់ទុកកិច្ចព្រមព្រៀងនោះគឺជារឿងអាក្រក់ បំផុត។ លោក ត្រាំ បានប្រកាសថា អីុរ៉ង់ចាំបាច់ត្រូវតែវិលត្រឡប់មកពិភាក្សាជាថ្មីបើមិនដូច្នោះទេកិច្ចព្រមព្រៀងនោះត្រូវលុបចោលជាមិនខានឡើយ។ភាពតានតឹងរវាងអីុរ៉ង់នឹងអាមេរិកកើតឡើងជាថ្មីក្រោយពេលដែលអីុរ៉ង់បានធ្វើសមយុទ្ធយោធាមួយនៅខេត្ត Semnan ភាគ ឦសាននៃប្រទេសនេះដោយសមយុទ្ធនេះ អីុរ៉ង់បានបញ្ចេញគ្រាប់មីស៊ីលជាច្រើនគ្រាប់ ព្រមជាមួយប្រព័ន្ធរ៉ាដាដែលសុទ្ធតែជាស្នាដៃផលិតក្នុងស្រុករបស់អុីរ៉ង់។ យោងតាមតារាងរាយឈ្មោះសម្ភារយោធាដែលសារព័ត៌មានរដ្ឋអុីរ៉ង់បានចុះផ្សាយបានបង្ហាញថា មីស៊ីលដែលអុីរ៉ង់បានសាកល្បងនៅថ្ងៃសៅរ៍នេះគឺសុទ្ធតែជាគ្រាប់មីស៊ីលចម្ងាយខ្លីដែលអាចរត់បានរយៈចម្ងាយ៧៥គីឡូម៉ែត្រ។

សារព័ត៌មានអីុរ៉ង់ដដែលបានសរសេរ ថា សមយុទ្ធយោធានេះ គឺជាការសាកល្បង ត្រៀមកម្លាំងឲ្យបានល្អរបស់កងទ័ពអុីរ៉ង់ ហើយក៏ជាការឆ្លើយតបទៅនឹងទណ្ឌកម្មសេដ្ឋកិច្ចរបស់សហរដ្ឋអាមេរិកដែលបានដាក់លើអុីរ៉ង់។ អុីរ៉ង់ចាត់ទុកថា ទណ្ឌកម្ម នេះគឺជាការមើលងាយបន្ទាបបន្ថោកកិត្តិយសរបស់អុីរ៉ង់។នៅដើមខែនេះលោកប្រធានាធិបតី សហរដ្ឋអាមេរិក ដូណាល់ ត្រាំ បានសម្រេច ដាក់ទណ្ឌកម្មសេដ្ឋកិច្ចលើអុីរ៉ង់ដោយចោទ ថា អុីរ៉ង់បានធ្វើការសាកល្បងមីស៊ីលបាលីស្ទីក កាលពីថ្ងៃទី២៩មករា។ គ្រាន់តែបានទទួលដំណឹងស្តីពីទណ្ឌកម្មនេះភ្លាមខាង រដ្ឋាភិបាលអុីរ៉ង់បានប្រកាសថា គេនឹងដាក់ វិធានការតបវិញ តាមរយៈទណ្ឌកម្មទៅ លើក្រុមហ៊ុនឬអ្នកជំនួញអាមេរិកនៅ អុីរ៉ង់។ លោករដ្ឋមន្ត្រីការបរទេសអុីរ៉ង់បាន ថ្លែងកាលពីថ្ងៃសុក្រថា អុីរ៉ង់មិនព្រឺរោម ជាមួយនឹងទណ្ឌកម្មរបស់អាមេរិកទេ តែ អុីរ៉ង់ក៏មិនទៅឆោតបញ្ឆេះភ្លើងសង្រ្គាមជាមួយអាមេរិកមុនដែរ។

អុីរ៉ង់តែងតែអះអាងថា ការផលិត និង សាកល្បងនូវសព្វាវុធយោធាគឺជាសិទ្ធិ ស្របច្បាប់របស់អុីរ៉ង់ដើម្បីការពារខ្លួនដែល សិទ្ធិនេះមិនអាចមានប្រទេសផ្សេងណា មកហាមឃាត់បានឡើយ។ ក្រៅពីមីស៊ីល ចម្ងាយខ្លី អុីរ៉ង់ក៏បានប្រកាសថាខ្លួនមាន មីស៊ីលចម្ងាយ២.០០០គីឡូម៉ែត្រដែរ។ លោកអគ្គបញ្ជាការកងទ័ពអុីរ៉ង់បានបញ្ជាក់ ថា អុីរ៉ង់នឹងបន្ថែមការផលិតគ្រាប់មីស៊ីល ឲ្យបានច្រើន។ ថ្លែងពីទីក្រុងតូក្យូនៅថ្ងៃ សៅរ៍នេះលោករដ្ឋមន្ត្រីការពារជាតិថ្មីរបស់ អាមេរិកបានចោទអុីរ៉ង់ថា ជាប្រទេសធំជាង គេដែលចិញ្ចឹមបំប៉នពួកភេរវកម្ម៕


ផ្តល់សិទ្ធិដោយ៖ nokorwatnews
 
Loading...
អ្នកនឹងចូលចិត្ត

  ពត៌មានពេញនិយម
ឃើញ​​ម្ដាយ​កូន​ប្រសា​ក្រ​​ពេក​​ មិន​ឲ្យ​ចូលរួ...
109,680 Views (15-Mar-2017)
គង់ សុជាតិ ​​​មិន​​​​​ខ្វល់រឿងកូនប្រុស​ ​​​​ជ...
25,891 Views (22-Mar-2017)
បើអូនមានសហាយស្មន់ មិនមែនរួមរ័កទាំងថ្ងៃម្តង៣នា...
24,840 Views (20-Mar-2017)
ប្រពន្ធ៣នាក់ អង្វរឲ្យប្ដីយក​ប្រពន្ធ២ទៀត ព្រោះ...
22,103 Views (23-Mar-2017)
ប្ដី​លួច​មាន​ស្រី ស្លុត​ចិត្ត​ខ្លាំង​ក្រោយ​​ទ...
21,311 Views (22-Mar-2017)
ថៃ ជាប់​លេខ​៣២ ជា​ប្រទេស​សប្បាយ​បំផុត នៅ​លើ​ព...
17,871 Views (21-Mar-2017)
ដៃ​​គូ ឃីម ឌីម៉ា ល្ងាច​នេះ ដែល​​ផ្ដួល​ ផល​ សោ...
17,828 Views (18-Mar-2017)
លួចពង្រាត់ទារិកាមិត្តភក្តិរបស់ខ្លួនទៅរុំស្កុត...
17,453 Views (10-Mar-2017)
MORE NEWS
រក្សាសិទ្ធិគ្រប់យ៉ាងដោយ​ vow-news.com © ២០១៥
Hosted by