NewsVideos


ចង់​សង់​ផ្ទះ​ចំណាយ​អស់​តិច គួរ​ស្វែង​យល់​ចំណុច​ទាំង​នេះ
5-Jan-2017, 10:03 AM
អចលនទ្រព្យ / ចំនួនទស្សនា: 543


ចង់ស្វែងរកការងារសូមចុចទីនេះ www.pelprek.com
ឈ្នះអាំងប៉ាវចូលឆ្នាំចិនរៀងរាល់ថ្ងៃជាមួយ​ 188ASIA.COM ​
សម្រាប់​អ្នក​ដែល​មាន​ជីវភាព​កម្រិត​មធ្យម ឬ​ក្រោម​មធ្យម ការ​សង់​ផ្ទះ​គឺ​ជា​ការ​ចំណាយ​ដ៏​ធំ​បំផុត​ ហើយ​តែង​រក​វិធីសាស្ត្រ​យ៉ាងណា​កុំ​អោយ​ចំណាយ​លើស​ពី​គម្រោង​។ លោក ស៊ុម ប៊ុនធឿន ទើប​តែ​ធ្វើ​ផ្ទះ​ល្វែង​កម្ពស់​៣​ជាន់​នៅ​ផ្សារ​កំពង់ស្ពឺ បាន​ប្រាប់​ពី​វិធីសាស្ត្រ​កាត់​បន្ថយ​ការ​ចំណាយ​ពេល​ធ្វើ​ផ្ទះ ដូច​ខាងក្រោម៖

១. គួរ​ទិញ​សម្ភារៈ​ដោយ​ខ្លួន​ឯង៖ លោក ស៊ុម ប៊ុនធឿន បាន​អះ​អាង​ថា ដើម្បី​អាច​កាត់​បន្ថយ​ការ​ចំណាយ​សម្រាប់​អ្នក​ជីវភាព​កម្រិត​មធ្យម​ គួរ​ទិញ​សម្ភារៈ​ ​គ្រឿង​សំណង់​ដោយ​ខ្លួន​ឯង​។ នៅ​ត្រង់​ចំណុច​នេះ​មាន​ន័យ​ថា អ្នក​ធ្វើ​ផ្ទះ​មួយ​ចំនួន​តែង​គិត​ថា ម៉ៅ​លើ​ជាង​ទាំង​ស្រុង​ងាយ​ស្រួល​និង​ចំណេញ​ជាង​​ ប៉ុន្តែ​នេះ​ជា​ការ​គិត​ខុស​ហើយ។ការ​ទិញ​សម្ភារៈ​ខ្លួន​ឯង មិន​ត្រឹម​តែ​អាច​សន្សំ​សំចៃ​ថវិកា​ប៉ុណ្ណោះ​ទេ ថែម​ទាំង​អាច​រើស​គ្រឿង​សំណង់​បាន​តាម​ចិត្ត និង​រឹង​មាំ​ជាង​ការ​ម៉ៅការ។ ដើម្បី​ចំណេញ​បាន​ច្រើន ជាង​ខ្លះ​បាន​ប្រើ​គ្រឿង​សំណង់​អន់​ៗ ដែល​ធ្វើ​ឲ្យ​ផ្ទះ​ល្អ​មើល​តែ​សម្បក​ក្រៅ​ប៉ុណ្ណោះ។

២. ស្រាវជ្រាវ​តម្លៃ​ និង​ជាង​ដែល​មាន​ជំនាញ​ច្បាស់​លាស់៖ ត្រង់​ចំណុច​នេះ លោក ស៊ុម ប៊ុនធឿន បាន​និយាយ​ថា អ្នក​ខ្លះ​ពេល​សង់​ផ្ទះ​ធ្វើ​បែប​ប្រញាប់ប្រញាល់​ មិន​ចំណាយ​ពេល​សាកសួរ​រក​ជាង​ឱ្យ​បាន​ត្រឹមត្រូវ​នោះ​ទេ ជា​ហេតុ​នាំ​អោយ​ក្រោយ​ធ្វើ​ផ្ទះ​រួច​ច្រើន​មាន​ចិត្ត​មិន​ជ្រះ​ស្រឡះ​។ រើស​ជាង​ខុស​នាំ​ឱ្យ​ម្ចាស់​ផ្ទះ​ហត់​ចិត្ត ហើយ​ថែម​ទាំង​អស់​លុយ​ច្រើន​ទៀត ព្រោះ​ជាង​ធ្វើ​ផ្ទះ​ចេះ​មិន​ច្បាស់ ច្រើន​ធ្វើ​ផ្ទះ​លក្ខណៈ​ស្មាន​តាម​ការ​យល់​ឃើញ​។ ដូចនេះ​មុន​​សង់​ផ្ទះ​គួរ​ ស្រាវ​ជ្រាវ​រក​ជាង​ឱ្យ​បាន​ត្រូវ​ត្រូវ ទាំង​តម្លៃ និង​គុណភាព​ ជៀស​វាង​ការ​ខាត​បង់​។

​ ៣. កុំ​ខ្ជះខ្ជាយ​ទៅ​លើ​សម្ភារៈ និង​គ្រឿង​សំណង់៖ ​មូលហេតុ​ចម្បង​មួយ​ទៀត​សម្រាប់​អ្នក​ដែល​ធ្វើ​ផ្ទះ​រួច​ច្រើន​អស់​លុយ​ពី​ខ្លួន ឬ​ពេល​ធ្វើ​ផ្ទះ​ដើរ​ខ្ចី​លុយ​គេ​បន្ថែម​នោះ គឺ​ដោយ​សារ​ចំណាយ​លើ​សម្ភារៈ​ និង​គ្រឿង​សំណង់​ច្រើន​ពេក។ សម្ភារៈ​ដែល​មាន​ដូចជា ឥដ្ឋ​ការ៉ូ ដំបូល​ផ្ទះ​ ទ្វារ បង្អួច ជាដើម​ មិន​គួរ​យក​របស់​ដែល​ថ្លៃ​ខ្ពស់​ពេក​នោះ​ទេ អាច​ជ្រើសរើស​ត្រឹម​តម្លៃ​ល្មមៗ​គុណភាព​អាច​ទទួល​យក​បាន​គឺ​គ្រប់​គ្រាន់​ហើយ​។ សម្ភារៈ​ខ្លះ​ថ្លៃ​មែន​ពិត តែ​គុណភាព​ប្រហាក់​ប្រហែល​នឹង​តម្លៃ​មធ្យម​ដែរ។

​៤. ត្រួត​ពិនិត្យ​ឱ្យ​ជាប់​លាប់​ពេល​សាងសង់៖ លោក ស៊ុម ប៊ុនធឿន ​ប្រាប់​ថា ពេល​ធ្វើ​ផ្ទះ​គួរ​ឱ្យ​សមាជិក​ក្នុង​គ្រួសារ​ណា​ម្នាក់ នៅ​ចាំ​មើល​ខុស​ត្រូវ​ចំពោះ​ជាង​ដែល​សាងសង់​។ នេះ​មិន​មែន​មានន័យ​ថា​ជាង​មិន​ចេះ​ធ្វើ​នោះ​ទេ ប៉ុន្តែ​ជាង​ខ្លះ​អាច​មាន​គំនិត​មិន​ល្អ យក​សម្ភារៈ និង​គ្រឿង​សំណង់​មួយ​ចំនួន​លាក់​ទុក ហើយ​ប្រាប់​ម្ចាស់​ផ្ទះ​ថា​ខ្វះ​ ជា​ហេតុ​នាំ​ឱ្យ​អស់​លុយ​ត្រូវ​ទិញ​ថែម​។ ម្យ៉ាង​ទៀត​ការ​ត្រួតពិនិត្យ​អោយ​បាន​ត្រឹមត្រូវ​នេះ ជួយ​អោយ​ដឹង​ថា មាន​អី​ខ្វះ​អី ហើយ​កុំ​អោយ​ជាង​ប្រើប្រាស់​គ្រឿង​សំណង់​ខ្ជះខ្ជាយ​។

៥. កែ​ច្នៃ​ឱ្យ​អស់​ពី​​លទ្ធភាព៖ ចំណុច​នេះ​ជួយ​ឱ្យ​ការ​ចំណាយ​ច្រើន​ពេល​សង់​ផ្ទះ​អាច​កាត់​បន្ថយ។ កែច្នៃ​អោយ​អស់​លទ្ធភាព​នេះ សំដៅ​ទៅ​លើ​គ្រឿង​សំណង់​មួយ​ចំនួន​ដែល​នៅ​សល់​​កុំ​ទុក​ចោល ដូចជា​ដែក​ដែល​ប្រើ​រួច​អាច​ទុក​ចាក់​គ្រឹះ​ធ្វើ​អ្វី​ផ្សេង​​ទៀត ថ្នាំ​ពណ៌​លាប​ផ្ទះ​ដែល​នៅ​សល់​តិចៗ​ជាប់​ធុង​កុំ​ទុក​ចោល ​អាច​យក​មក​លាយ​គ្នា​លាប​បង្កាន់​ដៃ​ជណ្ដើរ​បាន។ រឿង​កំប៉ិកកំប៉ុក​មែន​ប៉ុន្តែ​អាច​ជួយ​អោយ​ចំណេញ​លុយ​មួយ​ផ្នែក​ដែរ​។

៦. កុំ​លេង​ម៉ូដ​ខ្លាំង​ពេក៖ លោក ប៊ុនធឿន ថា ការ​លេង​ម៉ូដ​ផ្ទះ​ខ្លាំង​ពេក​ មិន​ថា​ម៉ូដ​ខាង​ក្នុង និង​ម៉ូត​ខាង​ក្រៅ​នោះ​ទេ​គឺ​ជា​មូល​ហេតុ​ធំ​ធ្វើ​ឱ្យ​អស់​លុយ​ច្រើន​ជាង​គម្រោង​។ ដូចនេះ​ប្រសិន​បើ​មិន​ចង់​ចំណាយ​ច្រើន​គួរ​គូរ​ប្លង់​ផ្ទះ​ឱ្យ​ហើយ បន្ទាប់​មក​ធ្វើ​តែ​ទៅ​តាម​ប្លង់​នោះ​បាន​ហើយ កុំ​ម្ដង​បន្ថែម​ម៉ូដ​ត្រង់​នេះ ម្ដង​ថែម​ម៉ូដ​ត្រង់​នោះ​អី​៕ ​


ផ្តល់សិទ្ធិដោយ៖ sabay
 
Loading...
អ្នកនឹងចូលចិត្ត

  ពត៌មានពេញនិយម
ភ្ញាក់ផ្អើល​ខ្លាំង ពេល​ដឹង​ថា វិធី​​ដាំ​បាយ​រ...
91,881 Views (16-Feb-2017)
ដំណឹង​ល្អ! តម្លៃ​​​​​អគ្គីសនី​​​ក្នុង​​ខេត្ត​...
59,833 Views (11-Feb-2017)
​គឹម ហ៊ាង៖ ​​ប្ដី​ប្រពន្ធ​ប្រាក់​ខែ​ត្រឹម​៤០០...
37,374 Views (24-Feb-2017)
អាណិត​ ថន តារា ណាស់​គ្រប់​យ៉ាង​គ្រាន់​តែ​ជា​ក...
35,609 Views (23-Feb-2017)
កូន​ស្រី​ចាប់​បាន​ឪពុក​ក្បត់​ចិត្ត​ម្ដាយ ក៏​ប...
29,285 Views (16-Feb-2017)
កក្រើកឆាក! ស្រីស្អាតច្រៀងពីរោះម្លឹងទៅហើយ ប្រុ...
20,623 Views (18-Feb-2017)
រក​ឃើញ​នារី​ម្នាក់ មាន​មុខ​មាត់​​ស្រដៀង​ អម្ព...
19,836 Views (11-Feb-2017)
ទីបំផុត​ វីដេអូ​សកម្មភាព​លួច​​ធ្វើ​ឃាត​ គីម ជ...
17,395 Views (20-Feb-2017)
MORE NEWS
រក្សាសិទ្ធិគ្រប់យ៉ាងដោយ​ vow-news.com © ២០១៥
Hosted by