ថ្ងៃ អាទិត្យ ទី 18 ខែ សីហា ឆ្នាំ 2019 ទំនាក់ទំនងផ្សព្វផ្សាយពាណិជ្ជកម្ម ៖ 077662291 - 015769791
ថ្ងៃ អាទិត្យ ទី 18 ខែ សីហា ឆ្នាំ 2019
ទំនាក់ទំនង ៖ 077662291 - 015769791

ផ្តើមពីដាំកូនគូលែន ២ ដើម រហូតក្លាយជាដង្ខៅលក់គូលែនល្បីឈ្មោះនៅខេត្តព្រះវិហារ

. ចង់ស្វែងរកការងារសូមចុចទីនេះ www.pelprek.com
ផ្តើមពីដាំកូនគូលែន ២ ដើម រហូតក្លាយជាដង្ខៅលក់គូលែនល្បីឈ្មោះនៅខេត្តព្រះវិហារ
លោក គីម សំអឿន

លោក គីម សំអឿន ជាម្ចាស់ចំការគូលែនហាវ៉ៃខ្មែរ ដែលមានទីតាំស្ថិតនៅ ភូមិស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ ដែលជាចំការមួយដ៏ធំដែលផ្គត់ផ្គង់ និង នាំចូលពូជគូលែន ហាវ៉ៃមកដាំនៅកម្ពុជាមុនគេ ។

លោកមានប្រសាសន៏ ថា​មូលហេតុដែលនាំអោយលោកដក់ចិត្ត និងចង់យកពូជគូលែនហាវ៉ៃមកដាំនៅកម្ពុជា ដោយសារលោកបានទៅលេងប្រទេសថៃ ហើយបានឃើញពូជគូលែនមួយប្រភេទនេះមានផ្លែធំៗល្អប៉ុនពងមាន់ រសជាតិផ្អែមឆ្ងាញ់ លោកក៏សុំទិញពូជគេ ២ ដើមពីប្រទេសថៃដើម្បីយកមកដាំដុះខ្លួនឯង។

លោកបញ្ជក់ថា នៅពេលឃើញថាពូជនេះមានអំណោយផលល្អ អាចប្រកួតជាមួយគូលែននាំចូលបាន ហើយមានអ្នកជិតខាងចេះតែចង់បានពូជនេះទៅដាំបន្តរ លោកក៏ចាប់ផ្តើមនាំពូជហាវ៉ៃនេះបន្ថែមទៀត រហូតអាចមានលទ្ធភាពផលិតកូនគូលែនដោយខ្លួនឯង ហើយបច្ចុប្បន្ននេះផ្គត់ផ្គង់អោយកសិករខែ្មរដាំដុះមិនតិចជាង ១០០០០ ដើមនៅក្នុងស្រុករបស់លោក។

លោកបានបង្ហាញថា​គូលែនជាដំណាំដែលហុចផលបានលឿន ត្រឹមតែ ២ទៅ ៣ឆ្នាំគឺអាចអោយប្រមូលផលបានហើយ ហើយតម្លៃទៀតសោធក៏ខ្ពស់គួរសមនៅលើទីផ្សារគឺ ១ គីឡូពី ៣.៥ ទៅ ៤ ដុល្លារ ហើយក្នុងមួយដើមអាចទទួលបានចន្លោះ ៣០ ទៅ ៤០ គីឡូក្រាមក្នុងមួយរដូវ។ ចំនែកកូនពូជដែលគាត់លក់ជូនកសិករគឺមួយដើមចន្លោះពី ១០ ទៅ ១៥ ដុល្លារ ដោយមានសេវាដឹកជញ្ជូនទៅគ្រប់ខេត្តក្រុងថែមទៀតផង។ ហើយលោកក៏រំពឹងថានិងអាចផលិតកូនដែលមានតម្លៃទាបរហូតដល់ ៥ ដុល្លារនៅឆ្នាំបន្តរបន្ទាប់។

លោកសម្តែងការព្រួយបារម្ភថាសព្វថ្ងៃនេះ គូលែនស្ទើរគ្រប់មុខ ជាពិសេសគឺគូលែនហាវ៉ៃដែលឃើញមានលក់ស្ទើរគ្រប់រដូវនោះ គឺជាគូលែនគីមីសុទ្ធសាត ហើយគូលែនដែលផ្លែចំរដូវកាលគឺមានតែនៅក្នុងខែ មេសា និង ខែឧសភាប៉ុណ្ណោះ ក្រៅពីនេះសុទ្ធតែជាគូលែន ដែលប្រើថ្នាំគីមីជម្រុញអោយផ្លែទាំងអស់។

លោកបានសង្កត់ធ្ងន់ថាគូលែនហាវ៉ៃនេះជាពូជដែលល្អដាំបំផុត ហើយលោកចង់អោយប្រជាជនកម្ពុជាចេះពីបច្ចេកទេសដាំដុះគូលែនប្រភេទនេះអោយច្បាស់ ដើម្បីបង្កើនទីផ្សារគូលែនកម្ពុជានិងកាត់បន្ថយការនាំចូល។ ម្ចាស់ចម្ការរូបនេះបានបញ្ជាក់ជំហររបស់ខ្លួនថា លោកស្វាគមន៏គ្រប់គ្នាដែលចង់ចេះ ចង់ដឹង ពីបច្ចេកទេស និង ចង់ដាំពូជគូលែនហាវៃ តែលោកទទួលតែខ្មែរប៉ុណ្ណោះ មិនទទួលភ្ញៀវបរទេសឡើយ ហើយអាចទាក់ទងតាមទូរស័ព្ទ ០១៧​ ៩១២​ ៣៤៥ ៕

អត្ថបទដោយ៖ នេន សុធី
ប្រភព៖Business Cambodia

ពាក្យទាក់ទង ៖
 

មតិយោបល់