ថ្ងៃ ច័ន្ទ ទី 22 ខែ តុលា ឆ្នាំ 2018 ទំនាក់ទំនងផ្សព្វផ្សាយពាណិជ្ជកម្ម ៖ 077662291 - 015769791
ថ្ងៃ ច័ន្ទ ទី 22 ខែ តុលា ឆ្នាំ 2018
ទំនាក់ទំនង ៖ 077662291 - 015769791

Adidas ដាក់បង្ហាញស្បែកជើងមាស, បាល់មាស និងស្រោមដៃមាស ត្រៀមចែកក្នុង World Cup 2018

. ចង់ស្វែងរកការងារសូមចុចទីនេះ www.pelprek.com

(ម៉ូស្គូ)៖ ក្រុមហ៊ុនផលិតសម្ភារៈកីឡា Adidas បានដាក់បង្ហាញស្បែកជើងមាស បាល់មាស និងស្រោមដៃមាស ដែលត្រៀមយកទៅចែកជូនកីឡាករដែលធ្វើបានល្អបំផុតក្នុងព្រឹត្តិការណ៍បាល់ទាត់ពិភពលោក FIFA World Cup 2018 នៅប្រទេសរុស្ស៊ីខាងមុខនេះ។

តាមរយៈគេហទំព័រកីឡា Soccerbible បានចេញផ្សាយថា Adidas និង FIFA បានសហការគ្នាដាក់តាំងពានរង្វាន់ផ្សេងៗមានដូចជាពាន ធំប្រចាំព្រឹត្តិការណ៍ ពានស្បែកជើងមាស ពានបាល់មាស និងពានស្រោមដៃមាសនៅក្នុង Pop-Up Store ស្ថិតក្នុងទីក្រុងធំ Moscow ជាទីដែល World Cup 2018 ចាប់ផ្តើមសម្ពោធនៅថ្ងៃទី១៤ ខែមិថុនា។

adidas Reveal 2018 World Cup Golden Boot, Ball & Glove Trophies
Golden Boot

១៖ ស្បែកជើងមាស (Golden Boot)

ស្បែកជើងមាស នឹងត្រូវបានប្រគល់ជូនដល់កីឡាកររូបណាដែលរកគ្រាប់ស៊ុតបញ្ចូលទីនៅ World Cup 2018។ កីឡាករម្នាក់ក្នុងចំណោមកីឡាករសរុប ៧៣៦នាក់ មកពី៣២ប្រទេស នឹងទទួលបានស្បែកជើងមាស ដែលត្រូវបានផលិតដោយក្រុមយក្សរបស់អាល្លឺម៉ង់ Adidas ខណៈកាលពី World Cup 2014 នៅប្រេស៊ីល ពាននេះ បានទៅកីឡាករខ្សែប្រយុទ្ធរបស់កូឡុំប៊ី James Rodriguez ដែលស៊ុតបញ្ចូលទីបាន ៦គ្រាប់ច្រើនជាងគេ។

adidas Reveal 2018 World Cup Golden Boot, Ball & Glove Trophies
Golden Ball

២៖ បាល់មាស (Golden Ball)

បាល់មាស នឹងចែកជូនកីឡាកររូបណាដែលលេងបានល្អជាងគេប្រចាំ World Cup 2018 នេះ ដោយក្នុងនោះមិនប្រកាន់ថា កីឡាករចាំទី ខ្សែការពារ ខ្សែបម្រើ ឬក៏ខ្សែប្រយុទ្ធឡើយ។ ពានបាល់មាស ត្រូវបានប្រគល់ជូនកីឡាករខ្សែប្រយុទ្ធ Lionel Messi របស់ក្រុមជម្រើសជាតិអាហ្សង់ទីន ដែលជាជួយអាហ្សង់ទីន ឡើងមកដល់វគ្គផ្តាច់ព្រ័ត្រ ចាញ់អាល្លឺម៉ង់ ១-០ ក្នុងនាទីបន្ថែម។

adidas Reveal 2018 World Cup Golden Boot, Ball & Glove Trophies
Golden Glove

៣៖ ស្រោមដៃមាស (Golden Glove)

ស្រោមដៃមាស នឹងចែកជូនអ្នកចាំទីល្អបំផុតប្រចាំព្រឹត្តិការណ៍ និងរបូតគ្រាប់បាល់តិចជាងគេ។ កីឡាករចាំទី Manuel Neuer ជាអ្នកទទួលបានស្រោមដៃមាស ក្រោយជួយអាល្លឺម៉ង់ឈ្នះជើងឯក World Cup 2014 ស្របពេលកីឡាករនៃ ក្លឹប Bayern Munich រូបនេះក៏មានវត្តមានៅក្នុងក្រុមជម្រើសជាតិអាល្លឹម៉ង់ផងដែរនៅរុស្ស៊ី។

សូមបញ្ជាក់ផងដែរថា ក្រៅពីពានខាងលើនេះ FIFA និង Adidas ក៏មានពានផ្សេងៗទៀតដើម្បីចែកជូនផងដែររួម កីឡាករវ័យក្មេងលេងល្អ ក្រុមលេងល្អ (Fair-play) គ្រូបង្វឹកដឹកនាំល្អ អាជ្ញាកណ្តាលល្អ និងមេដាយមាស មេដាយប្រាក់ និងមេដាយសំរឹទ្ធថែមទៀតផង៕

ប្រភព៖ Fresh News

ពាក្យទាក់ទង ៖
 

មតិយោបល់