ថ្ងៃ សុក្រ ទី 22 ខែ វិច្ឆិកា ឆ្នាំ 2019 ទំនាក់ទំនងផ្សព្វផ្សាយពាណិជ្ជកម្ម ៖ 077662291 - 015769791
ថ្ងៃ សុក្រ ទី 22 ខែ វិច្ឆិកា ឆ្នាំ 2019
ទំនាក់ទំនង ៖ 077662291 - 015769791

ចិនធានា « បើព្រមរួបរួម១០០%ជាមួយចិនជីវភាពរស់នៅរបស់ប្រជាជន និងសង្គមតៃវ៉ាន់ទាំងមូលនៅតែរក្សាដូចដើម »

. ចង់ស្វែងរកការងារសូមចុចទីនេះ www.pelprek.com
China says will 'fully respect' Taiwan's way of life
People wave Taiwanese flags during the National Day celebrations in Taipei, Taiwan on Oct 10, 2018. (Photo: Reuters/Tyrone Siu)

(ប៉េកាំង)៖ ប្រទេសចិននឹងគោរពពេញលេញ ចំពោះជីវភាពរស់នៅរបស់ប្រជាជន និងប្រព័ន្ធដឹកនាំសង្គមតៃវ៉ាន់ បើសិនជាកោះមួយនេះព្រមធ្វើការ «រួបរួមជាមួយចិនពេញលេញ» ព្រោះតៃវ៉ាន់ក៏នឹងទទួលបាន ការធានាសន្តិសុខដ៏យូរអង្វែង។ នេះបើតាមការលើកឡើងមួយ នៅក្នុងកិច្ចប្រជុំគណៈដឹកនាំជាន់ខ្ពស់ចិន កាលពីសប្តាហ៍មុនដែលត្រូវបានដកស្រង់ និងចេញផ្សាយដោយសារព័ត៌មាន CNA នាព្រឹកថ្ងៃពុធ ទី០៦ ខែវិច្ឆិកា ឆ្នាំ២០១៩។

ទំនាក់ទំនងរវាងចិន និងកោះតៃវ៉ាន់បានប្រែក្លាយជាតានតឹងខ្លាំងឡើងវិញ បន្ទាប់ពីលោកស្រី ត្សៃ អ៊ីងវិន ដែលមានទំនោរចង់បានឯករាជ្យនោះ បានឈ្នះឆ្នោតក្លាយជាប្រធានាធិបតីនៅឆ្នាំ២០១៦។ បន្ថែមពីនេះ ក្រោយប្រធានាធិបតីអាមេរិក លោក ដូណាល់ ត្រាំ ចាប់ផ្តើមបង្កឲ្យទំនាក់ទំនងឈានទៅរកភាពប្រេះស្រាំជាមួយចិន ជាពិសេសការបំផ្ទុះសង្គ្រាមពាណិជ្ជកម្មនោះ កោះតៃវ៉ាន់ និងសហរដ្ឋអាមេរិក ក៏បានចុះកិច្ចព្រមព្រៀងទិញដូរអាវុធដោយបើកចំហថែមទៀត ដែលបានធ្វើឲ្យចិនកាន់តែខឹងសម្បារ។

គួរបញ្ជាក់ថា កោះតៃវ៉ាន់នឹងរៀបចំការបោះឆ្នោតប្រធានាធិបតីអាណត្តិថ្មី នៅខែមករា ឆ្នាំ២០២០ ហើយវានឹងក្លាយជារឿងគួរឲ្យចាប់អារម្មណ៍ថែមទៀត ជុំវិញការស្ទង់មតិរបស់ប្រជាពលរដ្ឋកោះតៃវ៉ាន់ ដែលគិតចំពោះចិនដីគោក។ ចិនធ្លាប់បានព្រមានជាច្រើនលើកថា ថ្ងៃដែលកោះតៃវ៉ាន់ហ៊ានប្រកាសឯករាជ្យ វាក៏ជាថ្ងៃដែលទីក្រុងប៉េកាំងលែងអត់ឱនឲ្យកោះនេះតទៅទៀតដែរ៕

ប្រភព៖ Fresh News

 

មតិយោបល់