ថ្ងៃ សុក្រ ទី 22 ខែ វិច្ឆិកា ឆ្នាំ 2019 ទំនាក់ទំនងផ្សព្វផ្សាយពាណិជ្ជកម្ម ៖ 077662291 - 015769791
ថ្ងៃ សុក្រ ទី 22 ខែ វិច្ឆិកា ឆ្នាំ 2019
ទំនាក់ទំនង ៖ 077662291 - 015769791

តួកគី នឹងទិញយន្ដហោះចម្បាំង Su-35 ពីរុស្ស៊ី ទោះជាត្រូវប្រឈមមុខនឹងទណ្ឌកម្មអាមេរិកក៏ដោយ

. ចង់ស្វែងរកការងារសូមចុចទីនេះ www.pelprek.com
Photos of Russian Su-35 at Istanbul Airport Make Rounds on Twitter Amid US-Turkey F-35 Row
© Sputnik / Vitaliy Ankov

(អង់ការ៉ា)៖ តួកគី នឹងទិញយន្ដហោះចម្បាំង Su-35 ពីរុស្ស៊ី បើសិនជាវាចាំបាច់ និងជាជម្រើសល្អ សម្រាប់វិស័យយោធា បើទោះជាត្រូវប្រឈមមុខនឹងទណ្ឌកម្មពីសំណាក់សហរដ្ឋអាមេរិកក៏ដោយ។ នេះ បើតាមមន្ត្រីជាន់ខ្ពស់តួកគីម្នាក់ ដកស្រង់ចេញផ្សាយដោយសារព័ត៌មាន Sputnik នៅថ្ងៃពុធ ទី០៦ ខែវិច្ឆិកា ឆ្នាំ២០១៩។

លោកស្រី Nurin Atesoglu Guney ដែលជាសមាជិកក្រុមប្រឹក្សាគោលនយោបាយសន្តិសុខ និងការបរទេសរបស់ ប្រធានាធិបតីតួកគី លោក អឺដូហ្គាន់ ធ្វើការកត់សម្គាល់ខាងលើ នៅពេលត្រូវបានសាកសួរពីការព្រួយបារម្ភ នៃផលប៉ះពាល់ជាអវិជ្ជមានដល់ទំនាក់ទំនងជាមួយអាមេរិក ក្នុងករណីទីក្រុង អង់ការ៉ាទិញ Su-35 ពីរុស្ស៊ី។ លោកស្រី បានលើកឡើងដូច្នេះថា៖ «រឿងប៉ះពាល់ដល់ទំនាក់ទំនងរវាង តួកគី និងអាមេរិក អាចនឹងកើតមាន។ តើយើងអាច ធ្វើបានអ្វីខ្លះ? ព្រោះជាការពិត យើងកំពុងមានបញ្ហាជាច្រើនជាមួយវ៉ាស៊ីនតោន តែវាមិនសំខាន់ទេ។ ពោលគឺ បើ Su-35 វាចាំបាច់ និងជាជម្រើសល្អ សម្រាប់វិស័យយោធារបស់យើង នោះយើងនឹងទិញវានៅថ្ងៃអនាគត»។

គួរជម្រាបថា កាលពីចុងខែតុលាកន្លងទៅ ក្រុមមន្ត្រីតួកគី បានបង្ហើបថាទីក្រុងអង់ការ៉ា និងទីក្រុងម៉ូស្គូ នឹងបន្តកិច្ចចរចាទិញ Su-35 ខណៈសហរដ្ឋអាមេរិកគំរាមបញ្ឈប់ការប្រគល់យន្ដហោះចម្បាំង F-35 ឱ្យ តួកគី ដោយសារតែការទិញប្រព័ន្ធមីស៊ីលការពារដែនអាកាស S-400 ពីរុស្ស៊ី៕

ប្រភព៖ Fresh News

ពាក្យទាក់ទង ៖
 

មតិយោបល់