ថ្ងៃ ពុធ ទី 16 ខែ តុលា ឆ្នាំ 2019 ទំនាក់ទំនងផ្សព្វផ្សាយពាណិជ្ជកម្ម ៖ 077662291 - 015769791
ថ្ងៃ ពុធ ទី 16 ខែ តុលា ឆ្នាំ 2019
ទំនាក់ទំនង ៖ 077662291 - 015769791

តើទ្វីប​អង់តាក់ទិក​នៅប៉ូលខាង​ត្បូង​ផែនដី ជា​កម្មសិទ្ធិរបស់​ប្រទេស​ណា?

. ចង់ស្វែងរកការងារសូមចុចទីនេះ www.pelprek.com
This map uses an orthographic projection, near-polar aspect. The South Pole is near the center, where longitudinal lines converge.

(បរទេស)៖ វាខុសពីមហាសមុទ្រទឹកកកអាក់ទិក ដែលស្ថិតនៅប៉ូលខាងជើងនៃភពផែនដី ដែលមាន​មហាអំណាច​ធំៗ កំពុងតែបញ្ចេញ​ឥទ្ធិពល ដោយទ្វីបអង់តាក់ទិកគឺ​ជាផ្ទៃទ្វីបថ្ម ឬដី ដែលគ្របដណ្តប់​ស្ទើរតែទាំងស្រុង​ដោយផ្ទាំង​ទឹកកក និងជាទីកន្លែង​ត្រជាក់ជាងគេ​បំផុតនៅលើ​ផ្ទៃផែនដី នោះមិនមានប្រទេស​ណាអាចមានសិទ្ធិ​ទាំងស្រុង​ លើវាបាន​ឡើយ។ នេះបើតាម​​ការដកស្រង់​ពី​វែបសាយ Antarctica អូស្ត្រាលី នៅថ្ងៃចន្ទ ទី០២ ខែកក្កដា ឆ្នាំ២០១៨។

បើតាមច្បាប់អន្តរជាតិ ទ្វីបអង់តាក់ទិក​មិនត្រូវទទួលរង​ការគ្រប់គ្រងដោយ​ប្រទេសណា​មួយនោះ​ឡើយ ប៉ុន្តែនៅក្នុង​សន្ធិសញ្ញាមួយកាលពី​ឆ្នាំ១៩៥៩ ដែលមាន​​ប្រទេសចំនួន ៤៥ ជាម្ចាស់​ហត្ថលេខី ទ្វីបនេះ​បើកទ្វារ​សម្រាប់​ប្រទេសនានា ចូលមកធ្វើការ​ស្រាវជ្រាវ និងអភិរក្ស​តាមបែប​វិទ្យាសាស្ត្រ ហើយវាក៏ជាការផ្អាក​នូវការអះអាងកម្មសិទ្ធិ​ពីសំណាងប្រទេស​​​ចំនួន ០៧ នៅលើទ្វីបនេះ​កាលពីមុន​ដូចជា អាហ្សង់ទីន, អូស្ត្រាលី, ឈីលី, បារាំង, នូវែលសេឡង់ និងចក្រភពអង់គ្លេស​ផងដែរ។

ដូច្នេះវាមានន័យថា ប្រសិនបើប្រទេសណាមួយ​មានចំណាប់អារម្មណ៍ ឬលទ្ធភាពនៅក្នុង​ការមកធ្វើទស្សនកិច្ច និងបោះមូលដ្ឋានសិក្សាស្រាវជ្រាវនៅលើភពនេះ ពួកគេអាចសុំសិទ្ធិ​ពីអង្គការអន្តរជាតិដែលពាក់ព័ន្ធបាន ដូចជាកាលពីប៉ុន្មានខែមុននេះ ប្រទេសតួកគី​បានបង្ហាញចំណាប់អារម្មណ៍ ក្នុងការទៅសិក្សាស្រាវជ្រាវ នៅទ្វីបទឹកកកនេះជាដើម។

បន្ថែមពីនេះ​ប្រសិន​បើ​ប្រទេស ឬក្រុមហ៊ុន​ណាមួយ ចង់ធ្វើដំណើរ​ទៅ​បំពេញទស្សនកិច្ច​នៅទ្វីបនោះ ក្នុងន័យស្រាវជ្រាវ ឬកម្សាន្ត (ត្រូវមាននាវាបំបែកទឹកកក) ពួកគេក៏​មិន​ចាំបាច់ត្រូវ​សុំសិទ្ធិ ឬទិដ្ឋាកាពីប្រទេសណាមួយនោះដែរ ប៉ុន្តែក្នុងករណី​ពួកឈប់សំចត​នៅប្រទេស​ណា​មួយ នៅតាមផ្លូវ​ទៅកាន់​ទីនោះ ពិតប្រាកដណាស់​ពួកគេប្រាកដជា​ត្រូវការការបំពេញបែបបទនានា ទៅតាមច្បាប់របស់ប្រទេសទាំងនោះ។

គួរបញ្ជាក់ថា ទ្វីបអង់តាក់ទិក គឺស្ថិតនៅចំ​ប៉ូលខាងត្បូង នៃភពផែនដីនេះ​តែម្តង ដោយផ្ទៃដី ឬថ្ម ៩៨ភាគរយរបស់វា កំពុងគ្របដណ្តប់ដោយ​ទឹកកក ដែលមានកម្រាស់​​យ៉ាងក្រាសរហូតដល់ ១.៦គីឡូម៉ែត្រ ឬក៏ ២គីឡូម៉ែត្រក៏មាន។ វាជាកន្លែង​ប្រមូលផ្តុំទឹកកក ៩០ភាគរយ នៃទឹកកក​ទាំងអស់លើ​ផែនដី និងទឹកសាប​រហូតដល់ទៅ ៧០ភាគរយឯណោះ ដែលពិតជាចំនួនដ៏ច្រើន​ខ្លាំងណាស់។

អ្វីដែលគួរឲ្យព្រឺក្បាល​បន្ថែមទៀតនោះ ប្រសិនបើទ្វីបនេះ​រលាយទឹកកក​ទាំងអស់ នោះនីវូទឹក​សមុទ្រលើ​ផែនដី នឹងកើនឡើងរហូត​ដល់ទៅ ៦០ម៉ែត្របន្ថែមទៀត។ បើគិតពីផ្ទៃរបស់ទ្វីបនេះវិញ គឺរហូត​ដល់ទៅ ១៤លានគីឡូម៉ែត្រក្រឡា (ផ្សំឡើងពីថ្មបុរាណ ឬថ្មកែវភាគច្រើន) ដែលជិត​ស្មើនឹងទំហំប្រទេស​​អូស្ត្រាលី និងប្រេស៊ីល​បូកបញ្ចូល​គ្នា។ សម្រាប់​ប្រជាជនដែល​រស់នៅលើ​ទ្វីបនេះ (អ្នក​ស្រាវជ្រាវ) មានប្រហែល​ជាជាង ១,០០០នាក់​ប៉ុណ្ណោះ៕

Adelie penguins in Antarctica
Dumont d’Urville Station, an example of modern human settlement in Antarctica

 

Mount Erebus, an active volcano on Ross Island
The bedrock topography of Antarctica, critical to understand dynamic motion of the continental ice sheets
Glaciers and rock outcrops in Marie Byrd Land seen from NASA’s DC-8 aircraft
The blue ice covering Lake Fryxell, in the Transantarctic Mountains, comes from glacial meltwater from the Canada Glacier and other smaller glaciers.
Near the coast, December looks fairly temperate.
Labeled map of Antarctica
The First Russian Antarctic expedition 1819–1821.

ប្រភព៖Fresh News

ពាក្យទាក់ទង ៖
 

មតិយោបល់